Undirbúningur á loka stigi

Skrifað af Valdemar Einarsson | 05 September 2009

Nú er allt að verða klárt fyrir okkar ágæta mót Íformi og um að gera fyrir fólk að drífa í að skrá sig.  Greinastjórarnir hafa sett inn lýsingu á keppnistilhögun í greinunum og birt hefur verið tíma plan fyrir hverja grein sem miðar að því að allir geti tekið þátt í sem flestu. Þar sem skaranir verða verður reynt að hliðra til þannig að allir ættu að ná minnst 2 greinum. Nánar um hverja grein í flipanum Greinar.

Keppnisgjald er það sama og í fyrra eða 3.000 kr. og fyrir það má keppa í eins mörgum greinum og hver treystir sér til.

Samið hefur verið við Hótel Höfn  og hljómsveitina Parket um að sjá um lokahóf á laugardagskvöldinu. Þá verður hátíðar kvöldverður sem allur á rætur sínar að rekja til Austur-Skaftafelssýslu. Matseðilinn má sjá hér á síðunni undir skemmtun. Lokahófið, matur og ball kostar aðeins 7.000 kr.

Þeir sem taka þátt í mótinu og lokahófi (sem allir ættu að gera) greiða aðeins 9000 kr fyrir frábært íþróttamót, glæsilegan kvöldverð og hörku ball.

Ef hjón eru að keppa og drífa sig svo um kvöldið til að taka á móti medalíum borga þeir aðeins 16.000 kr eða 8.000 kr á mann fyrir þetta æðislega kvöld.

Ef annar makinn er í keppni og bíður hinum út með sér um kvöldið til að fagna frábærum árangri er gjaldið hið sama og ef báðir hefðu verið að keppa, það er 16.000 kr.

Nú er þetta komið í ykkar hendur og ekkert annað að gera en skrá sig, annað hvort hér á síðunni, senda póst á Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. eða hringja í síma 8686865 og fá aðstoð Valda við skráninguna.  Einnig eru greinastjórarnir boðnir og búnir að skrá og hjálpa til við skráningu.

Allir Íform. 

Opið fyrir skráningu

Skrifað af Sindri Ragnarsson | 24 Ágúst 2009

Nú hefur verið opnað fyrir skráningu. Þeir sem eiga í vandræðum með skráningu geta semt tölvupóst til Valdemars í Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.

Æskilegast er samt að skrá sig í gegnum heimasíðuna. (smeltu á ný skráning)

Ný skráning

Æfingar að byrja

Skrifað af Valdemar Einarsson | 13 Ágúst 2009

 Fótbolti . Hefst 17. ágúst á gervigrasi eða æfingasvæði

Blak og hnit.  Hefst 17. ágúst  í íþróttahúsinu Höfn.

Frjálsar hefjast miðvikudaginn 19. ágúst kl 18:30, fínt að mæta fyrr og hita upp

Bridge byrjar á sunndagskvöldið 30. ágúst og síðan er spilað alla sunnudaga fram að móti.

Golfvöllurinn er að sjálfsögðu alltaf opin og eru allir hvattir til að fara að æfa sig.

Undirbúningur kominn á fullt

Skrifað af Valdemar Einarsson | 12 Ágúst 2009

Fyrsti fundur í undirbúningsnefndinni  fór fram í gær og þar var staðfest dagsetningin 18-19 september og að keppa í sömu greinum og í fyrra sem eru; Blak, Frjálsar íþróttir, Hnit, Fótbolti karla og kvenna, Bridge og Glof.   Þá var skipt  verkefni á milli manna og fyrsta verkefnið er að koma æfingum  heimamanna  á fullt.  Old boys eru t.d. á þriðjudögum og fimmtudögum, frjálsar ætla að byrja á miðvikudögum eftir 17 ágúst, badmintonið byrjar á þriðjudögum og fimmtudögum kl.17.00 í íþróttahúsi Heppuskóla og verður byrjað á þriðjudaginn næstkomandi.  Þá er blakið að byrja og eins ætla bridge spilarar að hita upp á sunnudögum í Ekrunni og stefna á sunnudaginn 30 ágúst. Nú þá eru golfarar í fantaformi þessa dagana og þurfa bara halda því áfram.  Sem sagt allt að gerast og spennan eykst.

Skráningarkerfið ætti að vera klár strax í næstu viku, en jafnframt er hægt að skrá sig með því að senda póst á Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.   nú eða fyrir þá sem eru mjög tölvufælnir má jafnframt senda póst á

Umf. Sindri

Hafnarbraut 25

780 Höfn

Co  Íformi

Þá er ekkert annað en að drífa sig að koma sér Íform og taka þátt.

Íformi 2009

Skrifað af Valdemar Einarsson | 22 Desember 2008

Um leið og stjórn UMF. Sindra óskar iðkendum og starfsfólki Íformi gelðilegra Jóla er okkur ljúft að tilkynna það að búið er að ákveða að keppt verður í sömu greinum á næsta móti. Þar að segja Blak, Golf, Frjálsar, Fótbolta, Bridge og Badminton.  Þá er búið að ákveða dagsetninguna sem verður 18-20 september.

Úrslit í frjálsum

Skrifað af Valdemar Einarsson | 07 Október 2008